اوتوز آلتي ايل بوندان اول، 1332- نجي ايلين اسفند آييندا، نوروز قاباغي آذربايجان خلقي ئوز شاعريندن اونودولماز بيرهديه آلدي. بو، استاد شهريارين «حيدر بابايا سلام» اثري ايدي. حجمجه کيچيک، مضمونجا دولغون اولان بو اثرين نشري ايچون او وقتکي تبريزين بوتون فرهنگي و پوليقرافيگ گوجوندن و امکانلاريندان استفاده اولونموشدي- خطيني ميرزا طاهر خوشنويس ياز ميشدي، شکللرين رسام مرتضي نخجواني چکميشدي، گراورلريني ميرزا عبدالوهاب شعاري حاضرلاميشدي، حسين آقا زفيرينين چاپخاناسيندا چاپ اولونموشدي، حسن تقويمي چاپين بوتون وسايليني حاضرلاميشدي، مهدي روشن ضمير، عبدالعلي کارنگ هربيري آيريليقدا مقدمه يازميش، شهريارين ئوزوده خلاصه شکلده اثرين يارانماسي حقينده ايضاحات وئريب اونو آذربايجانليلارا تقديم ائتميشدي.